ආකාර සමාගම Malaysiakini වෙබ් අඩවියට හා තවත් විත්තිකරුවන් 3න් දෙනෙකුට විරුද්ධව ඉදිරිපත් කර තිබූ ඉල’ලීම (claim) එහිදී ඉහල උසාවියේ විනිසුරුවරිය විසින් ප්‍රතික්ෂේප කර තිබෙනවා.
එහිදී විනිසුරුවරිය ප්‍රකාශ කර ඇත්තේ විත්තිකරුවන් විසින් ඉදිරිපත් කරන ලද නිදහසට කරුණු ඔවුන්ගේ නිදහස් හා වගකීම් සහිත මාධ්‍යකරනයේ හා වාර්ථාකරණයේ අයිතිවාසිකම් තහවුරු කල බවයි. එලෙසම ඇය නඩුව ගොනු කල සමාගමට විත්තිකරුවන් වෙත වන්දියක් ගෙවන ලෙසද නියෝග කර තිබෙනවා.
Malaysiakini වෙබ් අඩවියේ කතෘ ස්ටිවන් ගන් ප්‍රකාශ කර ඇත්තේ මේ ආකාරයෙන් තම වෙබ් අඩවිය නිදොස් කොට නිදහස් කිරීම සම්බන්දයෙන් තමන් දැඩි සතුටට පත්වන බවයි.ම මෙමගින් වෙබ් අඩවියක් වශයෙන් තමන්ගේ වාර්ථාකරණයේ ඇති නිවරදිභාවයද මෙයින් ඔප්පු වන බව ඔහු තවදුරටත් පවසා තිබෙනවා.
යමෙතු විසින් පවසන ලද දෙයක් එලෙසම වාර්ථාකිරීම වැරැද්දක් නොවන බව අධිකරණය විසින් පිලිගැනීම පිලිබදවද තමන් සතුටු වන බවයි ඔහු පවසන්නේ.
එලෙසම මෙහිදී තමන් වෙනුවෙන් පෙනී සිටි නීතිඥයන්ටද විශේෂ වශයෙන් ඔහු ස්තූති කර තිබෙනවා.
මේ ආකාරයෙන් රන් ආකර සමාගම විසින් නඩුවක් ගොනු කර ඇත්තේ 2012 වසරේදී
Malaysiakini වෙබ් අඩවියේ පලවූ ලිපියක් මගින් තමන්ගේ ගෞරවයට හානි වූ බව පවසමින්. එහිදී වෙබ් අඩවිය විසින් පල කර ඇත්තේ රන් ආකර සමාගම විසින් යොදාගන්නා සෝඩියම් සයනයිඩ් ඒ අවට වාසීන්ට විශ සහිත වන බවට වන ලිපියකුයි.
සටහන- මිතිලායා ගමගේ
