මීගමුව රෝහලේ හෙදියක් ඇතුළු තවත් සෞඛ්‍ය සේවකයින් හතර දෙනෙකුට ඩෙංගු වැළදි ඇතැයි ලැබුණ ආරංචිය අනුව අප රෝහල් අධ්‍යක්ෂකතමාගෙන් ඒ පිළිබදව විමසීමක් සිදුකළෙමු. ඔහු ප්‍රකාශ කෙළේ එය ඇත්තක් බවත් ඒ පිළිබදව පරීක්ෂනයක් කරමින් සිටින බවත්ය. මෙම රෝගීන්ට රෝගය වැළදුනේ කෙසේදැයි තවමත් නිවරදි නිගමනයකට ආ නොහැකි බව ඔහු ප්‍රකාශ කරන ලදී. එමෙන්ම ඔහු ප්‍රකාශ කළේ මීගමුව රෝහල් භූමිය පහත්ව පිහිටා ඇති හෙයින් ජලය රදා සිටීමේ තත්ත්වයක්ද පවතින බවයි.
