මීගමුව, ලාෆ් සුපර් අසල අනතුරුදායක වලක්….

0
176

 

කොළඹ පාරේ, මීගමුව තෙල්වත්ත හන්දියට ආසන්නව , ප්‍රධාන මාර්ගය සමීපයේම විවෘතව ඇති ලාෆ් සුපර්මාර්කට් ආයතනයට පිවිසෙන ස්ථානයේ මේ වන විට විශාල  වලක් සෑදී ඇත. ප්‍රධාන පාරත්, ලාෆ් සුපර්මාර්කට් ආයතන සිමාවත් අතර වු මහා මාර්ගයේම කොටසක මෙලෙස කාලයක සිට මෙම අනතුරුදායක වල  සෑදී තිබේ.

මෙම ලාෆ් සුපර්මාර්කට් ආයතනය දවසේ 24 පැයම විවෘත සුපිරි වෙළඳ සැලකි. ඒ නිසාම උදේ දහවල් මෙන්ම රාත්‍රි කාලයේදීද මෙම සුපිරි වෙළඳසැලට සැලකිය යුතු වැඩි පාරිභෝගිකයින් පිරිසක් සිය යතුරුපැදි වලින් සහ විවිධ වු රථ වාහනවලින් පැමිණෙන ආකාරයද දැක ගත හැකිය. එමෙන්ම කොළඹ සිට හලාවත දෙසට ධාවනය වන රථවාහන ද දිනපතාම මහා මාර්ගයේ මෙම අන්තයෙන්  ධාවනය වන ආකාරයද දැක ගත හැකිය.

img 20240928 wa006512669822687743873666
img 20240928 wa00623825786741748262999

         එහෙයින් මේ මාර්ගයෙන් ගමන් ගන්නා යතුරුපැදි ඇතුළු වාහන පදවන රියදුරන්ද එලෙසම ලාෆ් සුපර් මාර්කට්  ආයතනයට පැමිණෙන යතුරුපැදි ඇතුළු වෙනත් රථ වාහන පදවන පාරිභෝගිකන්ද  වගකිව යුතු බලධාරීන්ගෙන් ඉල්ලා සිටින්නේ මෙම අනතුරුදායක වල වසා දමා එම මාර්ග කොටස නිසි ලෙස පිළිසකර කර දෙන ලෙසයි. ප්‍රධාන මාර්ගයේ සියලු ප්‍රතිසංස්කරණ වැඩ කටයුතු සිදු කරන්නේ මාර්ග සංවර්ධන අධිකාරිය විසිනි.

img 20240928 wa008614837595176575855192

                එනිසා මෙම පුවත මාර්ග සංවර්ධන අධිකාරියේ මීගමුව කාරයාලයේ වගකිවයුතු නිලධාරීන්ගේ අවධානය පිණිස යොමු කර සිටිමු. 

LEAVE A REPLY

Please enter your comment!
Please enter your name here