අයතා ලෙස මුදල් ඉපයීමේ මාර්ග පිළිබඳව මීගමු නගරයද ප්‍රසිද්ධ ස්ථානයක් උසුලයි. මේ අනුව මත්පැන් සඳහා අවශ්‍ය ස්ප්‍රීතු පෙරීම හොර රහසේ කරගෙන යන ස්ථාන පිළිබඳව අපට දැනගන්නට ලැබෙන්නේ ඒවා පිළිබඳව කටයුතු කරන පොලීසිය සහ සුරාබදු ස්ථාන මාර්ගයෙනි.
වාර්තාවල දක්වා ඇත්තේ මීගමුව, කටාන, දිවුලපිටිය, දුන්ගාල් පිටිය, කොච්චිකඩේ, සීදූව, ගම්පහ, බෙම්මුල්ල, වේයන්ගොඩ , කටාන, ඇවරිවත්ත යන පොලිස් වසම් වලට සම්බන්ධව කරනලද වැටලීම්ය. මීගමුව, කටාන, මිනුවන්ගොඩ යන ප්‍රාදේශීය ලේකම් කොට්ඨාශ තුනෙහිම සුරාබදු මධ්‍යස්ථානය ලෙස ක්‍රියාත්මක වන්නේ මීගමුවයි. මීගමුව සුරාබදු ස්ථානයේ ස්ථානාධිපති රොෂාන් පෙරේරා මහතා විසින් අපට ලබාදුන් තොරතුරු අනුව 2019 මෙම අඩවසර තුල පමණක් නීතිවිරෝධී ලෙස ස්ප්‍රීතු පෙරනලද ස්ථාන 20ක් ග්‍රහනයට ගැනීමට ඔවුන් සමත්වී ඇත.
එසේම නීතිවිරෝධී ස්ප්‍රිතු ලඟ තබාගැනීම සම්බන්ධව පමණක් ස්ථාන 309ක් වාර්තා කරයි. මීට ලීටර් 500 ට වැඩි ස්ප්‍රීතු බැරල් දෙකක්ද අයත් බව සඳහන් කරයි. පසුගියදා 13දෙනෙකුගේ මියයාම ආරංචි වූයේ මිනුවන්ගොඩ බාඳුරාගොඩ ප්‍රදේශයෙනි. මේ සියල්ලට මූලිකත්වය ගෙන කටයුතු කරන්නේද එක්කෝ ව්‍යාපාරිකයෙකි. නැතිනම් දේශපාලනඥයෙකි. ඉහත සඳහන් බාඳුරාගොඩ සිදුවීම විශාල අපරාධයකි. ඒනිසා පුරවැසියන් ලෙස සමාජයේ පවතින මෙවැනි අසාධාරණ සහ අහිතකර ව්‍යාපාර වලට විරුද්ධවීමත්, ඒවාගැන අවධියෙන් සිටීමත් වැදගත්වේ.