මීගමුව ලංකාවේ ප්‍රධාන පෙලේ ධිවර නගරයකි. ලෝකයක් කථා කරන්නට පුලුවන් නගරයක් බවට එය පත්කළ හැකිව තිබුණද අවාසනාවකට මිගමුවේ දේශපාලකයන් නිසා ඒ අවස්ථාවන් දැන් එකින් එක මගහැරි ගොසින්ය.
කොරෝනා වෛරස් තත්වය හේතුවෙන් මිගමුවේ ධිවරය දැවැන්ත අර්බුදයක ගිලි ගියේය. ඒ සිය රැකියාවන් එහෙම පිටින්ම නවතා දමන තත්වයේ විසදුම් වලට පාලකයන් විසින් කටයුතු කර තිබිමය.
ඉන් පිඩාවට පත්වු මේ ධිවර ප්‍රජාව වෙනුවෙන් පෙරලා ධිවරයන්ට යැයි ලැබුන ආධාරයක්ද නැත.
කෙසේ වෙතත් දැන් යන්තම් ධිවර කර්මාන්තය ක්‍රියාකාරි වෙමින් තිබේ.
ඒ ක්‍රියාකාරිත්වය අද මිගමුව කුට්ටිදුව ධිවර ගමේ පැය භාගයක් තුල ගත කළ කාලය තුල හදුනා ගතහැකිවිය.
කුඩා ධිවර බෝට්ටු අද අතිබහුතරයක් අද නවතා තිබුනේ කුට්ටිදුවේය.ි
ඒ ඔවුන් හැමදෙනෙකුටම යහමින් අසුවි සිටි සාලයන් බේරමින්ය.
ඒ අතර රුවල් ඔරුද ඔවුන් ගිය ඉස්සන් රස්සාව නිමවා යළිත් පැමිණෙමින් තිබුනේ ද මේ කුට්ටුදුව ගම සමිපයේ ඇති මෝය අසලින්ය.
බහුදින යාත්‍රා නවතා තබා ඇත්තේද කුට්ටිදූවට පෙනෙන මානයේය.
කරවල රැකියාවේ නිරත කුට්ටිදූව ධිවර පවුල්වල අය යුහුසුලුව ලැබෙන අව්වෙන් එය හොදින් වේලාගැනිමට කටයුතු කරමින් සිටිති.
සුලු වැසි තත්වයක් හුළංද සමගින් හමා ආවද කාලගුණය ගැන ඉතා හොදින් දන්නා ධිවරයන් කියා සිටියේ වැස්ස අල්ලා සිටින්නේ නැති බවකි.
එය විනාඩි කිපයකදිම සනාථවිය.
වැස්ස පහව ගියේය.
ජිවන අරගලයට මිගමුවේ ජනයා දැන් පණපොවමින් සිටිති.
රජය සහ නිළධාරින් කළයුතුව ඇත්තේ ඔවුන් පිඩාවට පත්කරන ප්‍රයෝගික නියෝග වලින් වැලකි ඔවුනට සහයවිමය.