සිංහල හා දෙමළ අලුත් අවුරුද්දෙන් පසු රට පුරා විවිධ ප්‍රදේශවල කොරෝනා වයිරස් උප පොකුරු බිහි වී ඇති බව සෞඛ්‍ය බලධාරීහු ඊයේ ප්‍රකාශ කළ බව ඩේලි මිරර් වෙබ් අඩවිය වාර්තා කර තිබේ
උප පොකුරු බිහි වූ ප්‍රදේශ අතර කුරුණගල, නාරම්මල, අලව්වා, ගම්පහා, කොළඹ, පුත්තලම්, ත්‍රිකුණාමලය සහ යාපනය ඇතුළත් වේ.
පිලියන්දල, මහාරාගම සහ පමුනුවා යන ප්‍රදේශවලින් උප පොකුරු වාර්තා වූ බව මහජන සෞඛ්‍ය පරීක්ෂකවරුන්ගේ සංගමයේ (පීඑච්අයිඒ) ලේකම් එම්. බාලසූරිය පවසා ඇතැයිද එම පුවතේ වැඩිදුරටත් සදහන්ය.
ඇඟලුම් අංශයෙන් උප පොකුරු ද වාර්තා වී ඇති අතර ආසාදිත පුද්ගලයින් දැනටමත් කර්මාන්තශාලා කිහිපයකින් හඳුනාගෙන තිබේ.
රාගම බටුවත්ත ප්‍රදේශයේ පුද්ගලයන් 12 දෙනෙකු සහ දිවුලපිටියේ පුද්ගලයින් 26 දෙනෙකු අලුත් අවුරුදු ආශ්‍රිත විවිධ උත්සවවලට සහභාගී වීමෙන් පසුව ආසාදනය වී ඇති සෞඛ්‍ය බලධාරීන් පවසා තිබුණි
එමෙන්ම නුවරඑළියේ සංවාරක කර තිබුන දිවුලපිටියේ සහ වත්තල ප්‍රදේශයේ 44 දෙනෙකු හටද කොරෝනා ආසාදනය වි ඇතැයි ගම්පහ සෞඛ්‍ය බලධාරින් විසින් පවසා තිබේ
මහජන සෞඛ්‍ය පරික්ෂකවරුන්ගේ සංගමයේ ලේකම්වරයා කියා සිටියේ මෙම තත්ත්වය පාලනය කිරීම සඳහා සෞඛ්‍ය අමාත්‍යාංශය මේ සතියේ දිනකට පවත්වන ලද පීසීආර් පරීක්ෂණ 15,000 දක්වා වැඩි කිරීමට තීරණය කර ඇති බවයි.
