ඒත්තුකාල ප්‍රදේශයේදී මහා පරිමාණ ගංජා ව්‍යාපාරයක කොටස්කරුවෙකු එක්කෝටි පන් ලක්ෂයක් පමණ වටිනා (රු. 1 0 500 000) ගංජා කිලෝ 35යි, ග්‍රෑම් 565 ක් ළඟ තබා ගැනීම යන චෝදනා යටතේ
13 වැනි (2025/01/13) දින මීගමුව, පෙරියමුල්ල අල්හිලාල් විද්‍යාලය අසලදී අත්අඩංගුවට ගෙන තිබුණි
මෙලෙස අත්අඩංගුවට ගෙන ඇත්තේ කාත්තංකුඩි ප්‍රදේශයේ, රිස්වි නගරය අසල අංක. 25 යන ස්ථානයේ ස්ථිර පදිංචි කරුවෙකු වන අවුරුදු 21 ක් වු මොහොමදු රිස්වාන් මොහොමදු අර්පත් නැමැති තරුණයෙකි .
මෙම ප්‍රධාන සැකකරුට අමතරව ගංජා ව්‍යාපාරය පවත්වාගෙන යාමට කුලී පදනම යටතේ ලබාදුන් නිවසේ අයිතිකාරිය වන වර්ණකුලසූරිය අනුෂා නිලන්ති යන කාන්තාවද මෙම සිද්ධියට අනුබල දුන් සැකකාරියක් වශයෙන් අත්අඩංගුවට ගත් බව පොලිසිය කියයි,
මීගමුවේදී අත්අඩංගුවට ගත් ප්‍රධාන සැකකරු මීගමුවේ පවත්වාගෙන යන හෝටල් සමූහයක අයිතිකරුවෙකුගේ ඥාති පුත්‍රයකු බව ද සැලය
ඒත්තුකාල ප්‍රදේශයේ අලුත් නිවසක් මසකට රු. 40,000 ක මුදලකට බදු කුලී පදනම යටතේ ලබා ගෙන මෙම ව්‍යාපාරය පවත්වාගෙන ගොස් ඇති අතර පොලිසිය විසින් මෙම ස්ථානය වටලන අවස්ථාවේ ස්ථාන කිහිපයක ට බෙදාහැරීම සඳහා මෙම ගංජා පාර්සල් වශයෙන් සකස් කර තිබුණු බව ද පොලිසිය පවසා තිබේ.