දිවයින ආසන්නයේ පවතින පහළ වායුගෝලීය කැළඹීම් හේතුවෙන් සුළු ගංවතුර තත්ත්වයන් ඇතිවීමේ හැකියාව සහ ප්‍රධාන වැසි සහිත කාලගුණ තත්ත්වය ලබන බදාදා (19) දක්වා පවතිනු ඇති බව කාලගුණ විද්‍යා දෙපාර්තමේන්තුව පවසයි.
එම දෙපාර්තමේන්තුවේ අධ්‍යක්ෂ ජනරාල් අතුල කරුණානායක පැවසුවේ බස්නාහිර, සබරගමුව, මධ්‍යම, දකුණ සහ වයඹ පළාත්වලට මිලිමීටර් 100 ඉක්මවූ තද වැසි අපේක්ෂා කළ හැකි බවත්,බස්නාහිර, දකුණ, වයඹ, මධ්‍යම, සබරගමුව සහ නැගෙනහිර පළාත්වල ගිගුරුම් සහිත වැසි අපේක්ෂා කළ හැකි බව ඔහු බවත්ය.
කාලගුණ විද්‍යා දෙපාර්තමේන්තුව පුත්තලම, කුරුණෑගල, මාතලේ, ගම්පහ, මහනුවර, කෑගල්ල, නුවරඑළිය, කොළඹ, කළුතර, රත්නපුර, ගාල්ල, මාතර සහ හම්බන්තොට ඇතුළු දිස්ත්‍රික්ක 13කට රතු අනතුරු ඇඟවීම් (අධි අවදානම්) නිකුත් කර ඇත.