දැනට එහි සිටින රාජපක්ෂවාදි ඡේෂ්ඨතමයා වන්නේ නීල් රූපසිංහය. තතු එසේව තිබියදි නිමල් ලංසා මේ දිනවල වත්තල ආසන සංවිධායකධුරය ලබාගැනිම සදහා කටයුතු කරමින් ඇති බැව් දේශපාලන කවයන්හි කථාබහට ලක්වෙමින් තිබේ.
මේ අතර කොයි තරම් දුෂ්කර කාලයකදි වුව පක්ෂය හැර නොගිය මහින්වාදි ශ්‍රිලනිප ජේෂ්ඨයෙකු වන සරත් ගුණරත්නද වත්තල ආසන සංවිධායකධුරය ගැන බලා සිටින බැව් කියැවේ.
මේ පසුබිම තුල නිමල් ලංසා සිය කෝටි ප්‍රකෝටි ධන බලයද බැසිල් රාජපක්ෂගේ රාජ උෂ්ණයද පෙන්වමින් වත්තල පොහොට්ටුවේ ක්‍රියාධරයන්ගේ සහය ගැනිම සදහා වත්තල මෙන්ම මිගමුවේද රැස්විම් සංවිධානය කර තිබුණද ඒවා අසාර්ථක බවද දැනගන්නට තිබේ.
කෙසේ වෙතත් වත්තල සහ තවත් කරුණු අරභයා සරත් ලංසා ගැටුම තවත් වටයකින් ඉදිරියේදි මතුවිමට නියමිතය.
තනිකරම පුද්ගලික පවුල් දේශපාලන න්‍යාය පත්‍රයක් තුල ක්‍රියාත්මක නිමල් ලංසාට බහුතරයක් දේශපාලන ක්‍රියාකාරින්ගේ සහය ලැබෙනු ඇතැයි දැන් සිතිය නොහැකිය.
