මීගමුව අධ්‍යාපන කලාපයේ අන්තර් පාසල් විශේෂ අවශ්‍යතා සහිත දරුවන්ගේ 2012 ක‍්‍රීඩා උළෙල ජා-ඇල තුඩැල්ල කිස්තුරාජ විද්‍යාලීය ක‍්‍රීඩාංගනයේදී ජුනි 08 වනදා පැවැත්විනි. මීගමුව අධ්‍යාපන කලාපයේ අන්තර් පාසල් විශේෂ සංවර්ධන ඒකකය මගින් වාර්ෂිකව පවත්වන මෙම ක‍්‍රීඩා උළෙලේදී මීගමුව ජා-ඇල සහ කටාන යන අධ්‍යාපන කොට්ඨාශ වල විශේෂ අවශ්‍යතාවන් ලැබිය යුතු සිසු දරු දැරියන්ගේ දස්කම් ඉදිරිපත් විය. එහිදී ජිම්නාස්ටික්, සරඹ සංදර්ශන සහ ආචාර පෙළපාලිය නරඹන්නන්ගේ සිත් ගත් අංගයන් විය. මීගමුව කලාප අධ්‍යාපන අධ්‍යක්ෂ ශ‍්‍රී ලාල් ප‍්‍රනාන්දු මහතා සහ බස්නාහිර පළාත් විශේෂ අධ්‍යාපන සංවර්ධන අංශයේ නියෝජ්‍ය අධ්‍යක්ෂක හෙන්රි දිසානායක මහතා ඇතුළු ආරාධිත අමුත්තන් රැසක් මෙම අවස්ථාවට සහභාගී වූහ.
ඡායා- එම්. ඉෂෙඩ් සාජහාන්
