මෙවර මහ මැතිවරණයෙන් ජාතික ලැයිස්තු මන්ත්‍රී ධුර හිමිකරගත් මන්ත්‍රීවරුන්ගේ නාම ලේඛනය එළඹෙන 10 වන දාට ප්‍රථම මැතිවරණ කොමිෂන් සභාව වෙත ලබාදෙන බව සමගි ජන බලවේගය පක්ෂය පවසන බව දෙරණ වෙබ් අඩවිය සඳහන් කර තිබේ.
සජිත් ප්‍රේමදාස මහතාගේ නායකත්වයෙන් යුත් සමගි ජන බලවේගය පක්ෂය මෙවර මහ මැතිවරණයේ සමස්ත ඡන්ද 2,771,980 ක් ලබා ගනිමින් ආසන 47ක් හිමිකර ගත්තේය.
ඒ අනුව ඔවුන්ට ජාතික ලැයිස්තුවෙන් මන්ත්‍රී ධුර 7ක් හිමිවූ අතර එම මන්ත්‍රී ධුර සම්බන්ධයෙන් මේ වන විට සාකච්ඡා මට්ටමේ පවතින බව වාර්තා වේ.
මේ වන විට සමගි ජන බලවේගයේ ජාතික ලැයිස්තු මන්ත්‍රී ධුර නාම ලේඛනය බව පැවසෙන ලේඛනයක් සමාජ මාධ්‍ය ඔස්සේ සංසරණය වන අතර එහි කිසිදු සත්‍යතාවක් නොමැති බව ද එම පක්ෂය මාධ්‍ය වෙත දැනමටත් පවසා තිබෙන බවද වාර්ථා වේ.
මේ අතර සමගි ජන බලවේගය හා එක්ව තරඟ කළ සුළු පක්ෂද එක් මන්ත්‍රිධුරය බැගින් ඉල්ලා සිටින බවද වාර්ථාවේ.
