පාලන මිල ඉක්මවා කුකුළු මස් අලෙවි කරන වෙළෙඳසල් සොයා ඊයේ (14 වැනිදා) සිට වැටලීම් ආරම්භ කළ බව පාරිභෝගික කටයුතු පිළිබඳ අධිකාරිය පවසා තිබේ.
සම සහිත බ්‍රොයිලර් කුකුළු මස් කිලෝග්‍රෑමයක් රුපියල් 430කට, සම රහිත කුකුල් මස් කිලෝග්‍රෑමයක් රුපියල් 500කටද අලෙවි කළ යුතු බව දන්වා පාරිභෝගික කටයුතු පිළිබඳ අධිකාරිය ගැසට් නිවේදනයක් නිකුත් කර ඇත.
එහෙත් වෙළෙඳපොළේ කුකුළු මස් කිලෝග්‍රෑමයක් රුපියල් 650 දක්වා වූ විවිධ මිල ගණන් යටතේ අලෙවි වන බව පාරිභෝගික පැමිණිලි ලැබී ඇතැයි අධිකාරියේ සභාපති විශ්‍රාමික මේජර් ජෙනරාල් ශාන්ත දිසානායක පවසයි.
වැටලීම ආරම්භ කළ ඊයේ (14 වැනිදා) වැඩි මිලට කුකුළු මස් අලෙවි කළ ස්ථාන 13කට එරෙහිව නීතිය ක්‍රියාත්මක කර ඇත.