ආණඩුවට නිසි උපදෙස් නොලැබෙන බව හෝ නැත්නම් එම උපදෙස් පිළිනොගන්නා බව සහල් අර්බුදය පෙන්වයි.
දෙසැම්බර් 20දා වන විට අවශ්‍ය තරම් සහල් ගෙන්වීමට බැරි විය. ඉන් පසු එම කාලය 2025 ජනවාරි 10 දක්වා දීර්ඝ කරන ලදී.
සහල් ආනයනකරුවන් අතර සමහර බලවත් මෝල් හිමියන් ද සිටින බවත්, එමගින් ඔවුන් සහල් වැඩි මිලට විකිණීමෙන් මෙන්ම ආනයනය කිරීමෙන් දෙපැත්තකින්ම වාසි ලබා ගන්නා බවත් විපක්ෂය චෝදනා කර තිබේ.
ආණ්ඩුව, සිය (අ)ඥානයට අනුව, සහල්වල උපරිම සිල්ලර මිල රුපියල් 10 කින් වැඩි කර එමගින් සහල් ගබඩා කර තබා ගන්නා මාෆියාවට කෝටි ගණනාවක වාසියක් ලබා දුන්නේය . එහි ප්‍රතිඵලයක් ලෙස, බලගතු මෝල් හිමියන්ගේ ප්‍රීතියට හේතු වන පරිදි, නාඩු සහල් මිල රුපියල් 230 දක්වා ඉහළ ගියේය. මෙම සමහර මහා මෝල් හිමියෝ ජාජබයට ප්‍රසිද්ධියේම සහය දුන් අය වෙති.
ජාතික ජන බලවේගයේ ජයග්‍රහණයත් සමඟම, සහල්/වී වෙළඳපොළවල් හැසිරවීම සහ ගොවීන් සහ පාරිභෝගිකයින් සූරාකෑම සම්බන්ධයෙන් චෝදනා ලැබූ ධනවත් මෝල් හිමියන්ගෙන් කෙනෙකු වන අරලිය සහල් හිමිකරු ඩඩ්ලි සිරිසේන, මාධ්‍ය හමුවකදී පොරොන්දු වූයේ පාරිභෝගික කටයුතු අධිකාරිය විසින් නියම කරන ලද උපරිම සිල්ලර මිල ගණන් යටතේ වෙළඳ පොලේ ප්‍රමාණවත් සහල් පවතින බවට තමන් සහතික කරන බවයි.
ලාංකිකයන්ගෙන් බහුතරයක් අතර ජනප්‍රිය නාඩු නම් මෙම විශේෂිත සහල් ප්‍රභේදයේ මිල සැප්තැම්බර් 21 වන දින ජනාධිපතිවරණයට පෙර රුපියල් 180 කි. දැන් 50කින් වැඩිය.
රජය සහල් ආනයනය සඳහා වන අවසාන දිනය 2025 ජනවාරි 10 වන දින දක්වා දීර්ඝ කිරීමේ වාසිය ගෙන මහා පරිමාණ මෝල් හිමියන් ඊළඟ අස්වනු නෙළන කාලය ආරම්භ වීමට පෙර තවත් සහල් ආනයනය කර ගන්නා බව සහතිකය. එවිට ඔවුන්ට ඔවුන්ට සිය තොග කිහිපයක් මුදා හැර, සහල් වෙළඳපොළ උතුරා යැවිය හැකිය. එවිට සහල් මිල පහත වැටෙනු ඇත.
එවිට වී මිල ද පහත වැටේ. එමගින් අඩු මිලට වී මිලදී ගැනීමෙන් ගොවීන් සූරාකෑමට අවස්ථාව මෝල් මාෆියාවට ලැබේ. ඉන් පසු, ඔවුන් අඩු මිලට ගත් වී ගබඩා කර ගන්නවා ඇත. එමඟින් යළිත් සහල් මිල ඉහළ යනු ඇත. කුඩා/මධ්‍ය පරිමාණ මෝල් හිමියන්ට වී අස්වැන්න මිලදී ගැනීම ආරම්භ කළ නොහැකි වන පරිදි බැංකු ණය ප්‍රමාද කිරීම සඳහා ඔවුන් තම මූල්‍ය ශක්තියෙන් ලබාගත් බලපෑම ද යොදා ගන්නවා ඇත.
එවිට වී මිල පහත වැටී මෝල් මාෆියාවට යළි ගජරාමයට අඩු මිලට වී මිලදී ගැනීමට තවත් අවස්ථාවක් ලැබේ.
මෙම ගැටළුව විසඳීම සඳහා, ශ්‍රී ලංකාව දියුණු සහල් ප්‍රභේදවල ආයෝජන සඳහා ප්‍රමුඛත්වය දිය යුතුය. වඩාත් කාර්යක්ෂම වගා ක්‍රමවේදයන් අනුගමනය කළ යුතුය. නවීන තාක්‍ෂණය කෘෂිකාර්මික පිළිවෙත්වලට ඒකාබද්ධ කළ යුතුය. මෙම වෙනස්කම් නොමැතිව, අකාර්යක්ෂමතාවයෙන් සහ තිරසාර නොවන පිරිවැයෙන් බර වූ වත්මන් ක්‍රමය ගොවීන් සහ ආර්ථිකය යන දෙකම පීඩාවට පත් කරනු ඇත.
srilankabrief