“මෙතනින් පිටවෙන්න බෂාර්, උඹ බොරුකාරයෙක්. උඹයි උඹේ කතාවලුයි විනාශ වෙන්න ඕන, නිදහස අපේ දොරකඩ ලග.”
මේ සිරියානුවන් එරට අධිපති පාලනයට විරුද්ධව නැගී සිටිම ආරම්භයේදී ඔවුනගේ තේමා පාඨය වු “Yalla irhal, ya Bashar” හි සිත්ඇදගන්නා සුළු මුල් පද කිහිපයයි.
දශක 4ක් තිස්සේ සිරියාවේ ක්‍රියාත්මක අධිපති පාලනයට විරුද්ධව එරටින් විරෝධතා ආරම්භ වූයේ පසුගිය 2011 වසරේ මාර්තු සිටය. මෙම විරෝධතාවන්ට සහය පළකරමින් අධිපති පාලනයට විරුද්ධව එරට ජනගී ගායකයෙකු වන Kashoush තම ගොරෝසු කටහඩ හා සංගීතය යොදාගනිමින් 2011 ජුනි මස වන විට පෙළපාලි රැසක් සංවිධානය කලේය. මෙලෙස එතෙක් එරට සංවිධානය වූ විශාලම විරෝධතා රැලිය පවත්වා දින කිහිපයකට පසු ගෙල කපා දමා මරණයට පතකර තිබූ ඔහුගේ සිරුර ඔරෝන්ටෙස් ගංගාවේ පාවෙමින් තිබියදී සොයාගන්නා ලදී. මෙය එරට පාලක පවුලට විරුද්ධව ක්‍රියාකරන ඕනෑම කෙනෙකුට සිදුවිය හැකි දේ පෙන්වන අප්‍රසන්න පණිවිඩයක් විය .
නමුත් එය එරට වීදි වල විරෝධතා පැවැත්වූ ජනතාව නිහඩ කිරීමටවත් පාලනයට විරුද්ධව ව්‍යාපාර ගෙනගිය ක්‍රියාකාරීන් නිහඩ කිරීමටවත් ප්‍රමාණවත් වුයේ නැත. අන්තර්ජාලයේ මෙන්ම පොදු ස්ථාන වලත් නිර්මාණාත්මක ලෙස විරෝධය පලකිරීම් දිගටම සිදුවිය. එලෙසම පෙර නොවූ විරූ ලෙස අධිපතිපාලකයින් තමන්ට විරෝධය පළකරන්නන්ට කෘර වූවත් සංගීතය හරහා කිසිදා නිහඩ කිරිමට නොහැකි වන අයුරින් දිනෙන් දින ශක්තිමත් වෙමින් හා ඉදිරියට යමින් ජනතාව තම විරෝධය පළකර සිටියහ. සංගිතය ඔවුන්ගේ විරෝධතාවන්ගේ අරටුව බවට පත්විය.
තවද තම රටේ සංගීතයට විශාල ඉතිහාසයක් පැවතියත් ජාතික ගීයේ සිට සියලුම කලාවන් පාලක පවුල විසින් පාලනය කරන බව එරට පියානෝ වාදන ශිල්පියෙකු වන Malek Jandal පවසා සිටියේය. තවදුරටත් ඔහු පවසා සිටින්නේ මෙම සිරියානු විප්ලවය සාම්ප්‍රදායික කළාකරුවන්ගෙන් මිදී නව කලාකරුවන්ට උපත ලබාදෙන්නක් බවයි.
මෙලෙස සිරියානු ජනතාව යුධබියෙන් හා උත්සන්න වන ප්‍රචණ්ඩත්වයෙන් වටවී සිටියත් තමන්ගේ ජීවිතය නිර්මාණාත්මකව ගෙන යාමට ඔවුනට හැකිවී ඇත. රොකට් වල කොටස් නොපිපුරුණ ෂෙල් උණ්ඩ වෙනත් උණ්ඩ වල කොපු යොදා ගනිමින් විවිධ වර්ගයේ සංගීත භාණඩ හා නිර්මාණ සිදුකිරීමට ඔවුන් සමත් වී ඇත.
දැනට වසර තුනක් තිස්සේ පැවැත්වෙන මෙම සිරියානු විරෝධතාවන් දිනෙන් දින ශක්තිමත් වන අතර සංගිතය හා ගායනයන් හරහා ඔවුන් තම අදහස් ප්‍රකාශ කිරීම වැලැක්විමට එරට පාලකයන් විවාහ මංගල උත්සව හා පොදු උත්සව පවා තහනම් කරනු ලැබීය. එමගින් ඔවුන් උත්සහ දැරුවේ සංගීතඥයින් නිහඩ කිරීමයි. ඔවුන් එලෙස මෙම විරෝධතාවන් නැවැත්වීමට උත්සහ ගත්තත් එය සාර්ථක වී නැත. නිදහස් ප්‍රදේශ හරහා විරෝධතාකරුවන් දිගමට තමන්ගේ විරෝධය ගායනයන් මගින් වඩා පැහැදිලිව හා ශක්තිමත්ව ඉදිරිපත් කරමින් පවතී.
පරිවර්ථන සටහන- වින්තිකා මිතිලායා.
උපුටා ගැනීම – Global voice
