කටාන පොලිසිය V8 එකක් අත්අඩංගුවට ගත්තේ අපට මතක හැටියට දහවෙනි මාසේ 27 වෙනිදා වගේ දවසක.
ඉතින් මේ බට් වාහනය කාගෙද කව්ද මේක පැද්දේ කියල මිගමුවේ, කටානේ පොලිසියේ මහත්තුරු නොදැන ඉන්න විදියක් මහත්තුරු
මොකද පහුගිය කාලෙම මේක රවුම් ගැහැව්වේ මිගමුව අවට .ඒ විතරක් නෙමේ මේක මඟුල් ගෙවල් වලටත් දිල තිබුණ.
එහෙම තියෙද්දි කටාන පොලිසියත් මේක ගැන කටයුතු කරපු මිගමු පොලිස් කොට්ටාශේ අයත් ඉතාමත් මන්දගාමි විදියට තමයි මේ ගැන හෙව්වේ .
මේ හින්දම අප දන්න විදියට තෝරු මෝරු පැත්තක ඉන්න කොට හාල්මැස්සෝ අත්අඩංගුවට අරන් ජාමේ බේරගන්න හැදුව . උපරිමයෙන් බැලුව. නමුත් මේ සේරම බැක් ෆයර් වුනා.
මේක පැදල තිබුනේ හොර අංකයක් ගහගෙන .ඒ අංකෙට රෙජිස්ටර් වෙලා තිබුනේ නිල්පාට ටොයෝටා කාර් එකක් . අපට මතක හැටියට අයිතිකාරයා ඉඹුල්ගොඩ පැත්තේ . නමුත් මේ ටිකවත් පොලිසියට හොයාගන්න බැරිවුනා වගේ තමයි අපට නම් මතක.
මේ V8 එක දයාන් ලංසා පැද්ද කියල අපි එදා ඉදන්ම කිව්ව. නවත්තල තිබුන තැන් ගැනත් ලිව්වා. මංකුලිය පැත්තේ මඟුල් ගෙදරකට නිමල් ලංසගෙ සහයට ඡන්දෙ ඉල්ලපු ස්වාධින අපෙක්ෂකයෙක්ගේ මල්ලි කෙනෙක්ගේ මඟුල් ගෙදරට දයාන් ලංසා දිල තිබුනෙත් මේ වාහෙන් තමයි .
අර හොර අංක තහඩුව තමයි එදත් එල්ලල තිබුනේ . එදා ඒක එලවල තිබුනේ නගර සභාවේ ඩ්‍රයිවර් කෙනෙක්.
මේ මඟුල් කථා එළිවුනාම තමයි මේ ගැන පොලිස් පරික්ෂණත් පණගහල ගත්තේ . නැත්නම් වංගු දදා මන්දාගමි විදියට තමයි කෙරුනේ .
මඟුල් ගෙදරට වාහනේ යොදාගෙන තිබුන විදිය හොයන්න යද්දි අඩුම තරමේ මඟුල් ගෙදර ඇල්බම් එකවත් හදල තිබුනේ නැ. ,
කොහොම හරි දයාන් ලංසට පිළිගන්න වුනා එයා තමයි මේක දුන්නේ කියල . දයාන් ලංසටත් කටඋත්තරයක් දෙන්න වුනා මේ ගැන.හැබැයි ඉතින් පොලිසිය මේව රාජ්‍ය රහස් හැටියට රකින්න ඇති ඒකනේ මාධ්‍ය වලටත් හෙළි නොකළේ.
කොහොම උනත් නත්තල් කියල බාගෙට ඇදගෙන නටන චැනල් ඇවෙන්රා ලොක්කාගේ බට් වාහන නාඩගම ගැනවත් ඒව පැදපු ලංසල ගැනවත් මීක් කිව්වේ නැ.
වෙන තැන්වලත් බට් වාහන කේස් ඇදුනා. හැබැයි ඒ පළාත්වල පොලිසිය සුටුස් ගාල ඇල්ලුවා, මාධ්‍ය වලටත් කිව්ව. නමුත් මිගමුවෙදි උනේ වෙනම වැඩක් .
දැන් රජයෙ රස පරික්ෂකත් කිව්ව මේක නිති විරෝධි කොටස් ගෙන්නල එකලස් කරපු එකක් කියල . පොලිසියේ ලොකු පොඩි මහත්තුරු නොදන්නවද මේක කාගෙද කියල . නමුත් කොහොමද එක පාරටම යු ටර්න් ගහන්නේ . මොකද එකට කාපු බිපු අයනේ.
කොහොම හරි දැන් උසාවිය නියෝග දිල තියෙන්නේ ඇවෙන්රා ලොක්කව දුටු තැන අත්අඩංගුවට ගන්න .නමුත් දැන් තියෙන්නේ අපි පොඩි කාලේ කරපු හොර පොලිස් සෙල්ලමක්. මොකද ඇවෙන්රා ලොකු මහත්තයා අර කහපාට ජිප් එකෙන් ටවුමටත් ඇවිත් යනව .මෙයාල පාටි වලටත් යනවා නමුත් පොලිසියට තාම බැරිවුනා අල්ලගන්න ,
අර අපි පොඩි කාලේ හොර පොලිස් කරද්දි යාලුවට කියනවනේ උඹ අතන හැංගියන් අපි හොයන්නේ නැ එතකොට උඹ දිනුම් කියල.
මේ අපි කියන්නේ හොර පොලිස් සෙල්ලම ගැන . එහෙමනේ . එහෙම වෙනවනේ .
දුටු තැන අල්ලනු කියල නියෝග තිබුන කෙනා මිගමුවේ පොලිස් අධිකාරි කාර්යාලයට කලු පාට ජීප් එකකින් ඇවිත් ගියොත් ඒ ගැනත් පුදුම වෙන්න දෙයක් නෑ..මොකද මේක තමයි මරුම හොරා පොලිස් සෙල්ලම.
කොහොම හරි දැන් අලුත් අවුරුද්දත් ලැබුවා . හොරා පොලිස් සෙල්ලම නම් දිගටම ජයටම කෙරෙනවා.
ජනාධිපති තුමා හරියට ටක්කෙටම කිව්ව “ක්ලින් ශ්‍රි ලංකා” කියන්නේ කුණු අයින් කරල පිරිසිදු කරන එකම නෙමේ කියල.හරියට හරි .
කුණු තමයි හැබැයි එහෙම කියල ක්ලින් නොකර බෑ. මොකද එහෙම වුනාම ගද ගහන්නේ නගරේ ….