දිවයිනෙහි පළමු වරට ශ්‍රවණාබාධිත පුද්ගලයින් වෙනුවෙන් සැහැල්ලු වාහන රියදුරු බලපත්‍ර ලබා දීමේ නියමු ව්‍යාපෘතියක්, ප්‍රවාහන රාජ්‍ය අමාත්‍ය ලසන්ත අලගියවන්න මහතාගේ ප්‍රධානත්වයෙන් ගම්පහ දිස්ත්‍රික් ලේකම් කාර්යාලයේදී පැවැත්විණි.
ශ්‍රී ලංකා බිහිරිවූවන්ගේ මධ්‍යම සම්මේලනය මගින් 1998 වසරේ සිට කරන ලද ඉල්ලීමක් සැලකිල්ලට ගනිමින් ප්‍රවාහන රාජ්‍ය අමාත්‍ය ලසන්ත අලගියවන්න මහතාගේ මගපෙන්වීම යටතේ මෙලෙස බලපත් ලබාදීමේ නියමු ව්‍යාපෘතිය ආරම්භ කොට ඇති බව මෙහිදී ප්‍රකාශ වි තිබුණි
රියදුරු බලපත් ලබා ගැනීම පිණිස මෝටර් රථ ප්‍රවාහන දෙපාර්තමේන්තුව මගින් පවත්වන ලද ලිඛිත විභාගයට පෙනී සිටි ගම්පහ දිස්ත්‍රික්කයේ ශ්‍රවණාබාධිත තැනැත්තන් 76 දෙනෙකු අතුරින් විභාගය සමත් වූ 44 දෙනෙකු සඳහා පුහුණුවීමේ තාවකාලික බලපත් ලබා දීම මෙහිදී සිදු කෙරුණු අතර මාස තුනක පුහුණුවකින් පසු ප්‍රායෝගික පරීක්ෂණයට පෙනී සිටීමෙන් අනතුරුව සමත්වන්නන්ට ස්ථිර බලපත් ලබාදීමට නියමිත අතර බිහිරිවූවන්ගේ මධ්‍යම සම්මේලනයේ ශ්‍රියාන් කොඩිතුවක්කු මහතා අදහස් දක්වමින්, මෙලෙස රියදුරු බලපත් ලබාදීම ඉතා අගය කරන බවත් මේ සම්බන්ධයෙන් ලෝක බිහිරි සම්මේලනයට දැනුම්දෙන බවත් සඳහන් කළේය.
ඡායා- පියපේම මාණික්කරත්න
