(2.22pm) අද පාන්දර 5.30 ට පමණ මීගමුව පිටිපන ලෙල්ලමේදී ඩොල්ෆින් මත්ස්‍යයෙකු මරා අළෙවි කිරීමට සූදානම් වී සිටි මාළු වෙළෙන්දෙකු ධිවර දෙපාර්තමේන්තුවේ නිලධාරීන් සහ මීගමුව නාවුක බුද්ධි අංශ නිලධාරීන් විසින් අත්අඩංගුවට ගෙන ඇත. මෙම පුද්ගලයා සතුව තිබී ඩොල්ෆින් මාලු කිලෝ 27 ක් අත්අඩංගුවට ගෙන ඇති අතර මෙම ඔහුව මීගමුව අධිකරණය වෙත ඉදිරිපත් කරන ලදී. 
එහිදී ඔහුට රු 10000ක දඩයක් නියම කර තිබුණි. ඩොල්ෆින් මත්ස්‍යා මුහුදු ක්ෂීරපායි සත්ව ගනයට අයත් වන මත්ස්‍යයෙකු වන අතර මෙම මත්ස්‍යා ඇල්ලීම,හෝ අළෙවිකිරීම හෝ ලඟ තබාගැනීම වරදක් වන අතර නීතියෙන් තහනම් කර ඇත.
මෙම වැටලීම මීගමුව දිස්ත්‍රික් ධීවර කාර්යාලයේ සහකාර අධ්‍යක්ෂක රංජිත් බංඩාර මහතාගේ අධීක්ෂණයෙන් සිදුකළ අතර වැටලීම සඳහා මීගමුව නාවුක බුද්ධි අංශ නිලධාරීන් සහ ධීවර නිලධාරීවරුන් වන , එම්.පී.යූ.කේ. මාරසිංහ,ඒ.පී.එස් නවරත්න, ගාමිණී උදයකුමාර, සංවර්ධන නිලධාරී ඩබ්.එස්.කේ වික්‍රමආරච්චි, එස්.ටී. එදිරිසිංහ යන මහත්වරුන් සහභාගී වූහ.