සමගි ජන බලවේගයට සහය දැක්වූ වත්තල නගර සභාවෙි නාගරික මන්ත්‍රීවරුන් 8 දෙනකු අද (2) නැවත එක්සත් ජාතික පක්ෂයට එක් වූ බව පක්ෂ මහලේකම් පාලිත රංගෙ බණ්ඩාර මහතා පැවසු බව ලංකාදිප වෙබ් අඩවිය වාර්තා කොට තිබේ
නැවත එක්සත් ජාතික පක්ෂයට සහය පළ කිරීමට එක්වූයේ වත්තල නගර සභා සභාපති මාර්ක් ගුණසේකර මහතා ඇතුළු මන්ත්‍රීවරුන් අට දෙනෙකු බවච එම පුවතේ සදහන්ය.
පිටකෝට්ටෙි සිරිකොත පක්ෂ මුලස්ථානයට පැමිණි එම මන්ත්‍රීවරු පක්ෂ නියෝජ්‍ය නායක රුවන් විජයවර්ධන සහ මහලේකම් පාලිත රංගෙ බණ්ඩාර මහත්වරුන් සමඟ මාධ්‍ය හමුවකටද සහභාගී වූහ.
එහිදී අදහස් දක්වමින් වත්තල නගර සභා සභාපති මාර්ක් ගුණසේකර මහතා කීවෙි පසුගිය කාලයේ යම් කලකිරීම් නිසා දේශපාලනිකව අක්‍රීය වී සිටියද රනිල් වික්‍රමසිංහ මහතාගේ දුර දක්නා නායකත්වය පිළිබඳව අවබෝධ වීමෙන් පසුව නැවත පක්ෂය වෙනුවෙන් ක්‍රියාකාරීව කටයුතු කිරීමට තීරණය කළ බවයි.අවංක දේශපාලනඥයෙකු වන පක්ෂ නියෝජ්‍ය නායක රුවන් විජයවර්ධන මහතා වෙනුවෙන් ඉදිරියේ දී ඕනෑම සහයෝගයක් දීමට තමා ඇතුළු මන්ත්‍රීවරුන් සූදානම් බවද හෙතෙම පැවසීය.
මේ අතර මිගමුව එජාප මන්ත්‍රිවරුන් අතර ලංකාවේ දුෂිතව නගරාධිපතිවරයා ට සහය පළකරන පිරිසක් සිටින බවට වු චෝදනා රැසක් පසුගිය කාලය තුල මිපුර වෙබ් අඩවිය විසින් කරුණු සහිතවහ හෙළිකර ඇත.
අද සවස් වරුවේ පළකරන ලද පුවතකින් පවා කියවුනේ මිගමුවේ එක්තරා එජාප නාගරික මන්ත්‍රිවරයෙකුට සම්බන්ධ ඥාතිපුතෙකු විසින් කරගෙන යනු ලබන සමිතියකය නගරාධිපති දයාන් ලංසා විසින් කොන්ත්‍රාත් 7 ක් ලබා දි ඇති බවය.එබැවින් අප එජාප ලේකම් වරයාගෙන් අසා සිටින්නේ මිගමුවේ මේ පොහොට්ටු එජාප බඩියන් ගැන විමර්ශණ කටයුතු සදහා තවත් පමා නොවි මිගමුවට එනවාදැයි කියාය