මාරිස්ටෙලා ක්‍රිඩා සංගමය 7 වන වරටත් සංවිධානය කල වයස අවුරුදු 17 පහළ ආරාධිත පාසැල් පාපන්දු සැණකෙළියේ ශූරතාව දිනා ගැනිමට මීගමුව මාරිස්ටෙලා විදුහල සමත් විය අවසන් මහා තරඟයේදි වෙන්නප්පුව සාන්ත ජෝශප් වාස් විදුහල තියුණු තරඟයකින් අනතුරුව ලබා දුන් දඬුවම් පහර 9/10 ක් ලෙස පරාජයට පත් කරමින් මාරිස්ටෙලා විදුහල ජය ලැබීය මෙම තරඟාවලිය කාණ්ඩ 2 ක් යටතේ පැවති අතර මාරිස්ටෙලා විදුහලට අයත්ව තිබු කාණ්ඩයේ පාසැල් 2ක් නොපැණිම නිසා කඳාන ඩි මැසනඩ් විදුහල පරාජයට පත් කරමින් මාරිස්ටෙලා විදුහල අවසන් මහා තරඟයට සුදුසුකම් ලැබු අතර වෙන්නප්පුව සාන්ත ජෝශප් වාස් විදුහල ප්‍රබල කොළඹ සහිරා විදුහලත් කොළඹ සාන්ත බෙනඩික් විදුහලත් පරාජයට පත් කරමින් අවසන් මහා තරඟයට සුදුසුකම් ලැබීය ජය සංකේත පිරිණැමීම පාපන්දු සම්මේලනයේ හිටපු සභාපති රංජිත් රුද්‍රිගු මහතාගේ හා මාරිස්ටෙලා විදුහල්පති සුනන්ද අල්විස් සහෝදරතුමන්ගේ ප්‍රධානත්වයෙන් සිදු කෙරුණු අතර මාරිස්ටෙලා ක්‍රිඩා සංගමයේ සභාපති ඩිලාන් ප්‍රනාන්දු මහතාද මෙම අවස්ථාවට එක් විය ජෝශප් වාස් විදුහලේ පුහුණුකරු ලෙස ෆ්‍රැන්ක් කොස්තා මහතාත් මාරිස්ටෙලා විදුහල් පුහුණුකරු ලෙස ජෝශප් වාස් ආදි ශිශ්‍ය සුදත් ප්‍රනාන්දු මහතාත් කටයුතු කලේය.
චන්දන ප්‍රනාන්දු
—
