බස්නාහිර පළාත් සභා පාලනය යටතේ පැවැති මීගමුව රෝහල අද පත්ව ඇති තත්වයට මුළුමනින්ම වගකිවයුුතුව ඇත්තේ ඒ පළාත් සභා පාලනය බවත් තවදුරටත් රෝගි ජිවිත සමගින් සෙල්ලම් නොකර එය මධ්‍යම රජයේ පාලනයට පවරා දෙන ලෙසත් ඉල්ලමින් මීගමුව රෝහල ඉදිරිපිටද 2015 වසරේදි දැවැන්ත විරෝධතාවක් පැවැත්විණි.
මේ විරෝධතාවය සදහා 50 කට ආසන්න කිතුණු පියතුමන්ලා පිරිසක්ද එක්ව තිබිම විශේෂයකි.එමෙන්ම ආගමික සහයෝගිතාවය පෙන්වමින් භික්ෂුන් වහන්සේලා මෙන්ම අනෙකුත් ආගම්වල ආගමික නායකයන්ද එදා එක්ව සිටිනු දක්නා ලදි.
එහෙත් යහපාලන රජය මේ ඉල්ලිම ඉටුකර දුන්නේ නැති අතර ඒ සදහා ප්‍රදේශයේ දේශපාලකයන් පවා ප්‍රමාණවත් මැදිහත්විමක් සිදුකර තිබුනේද නැත.කෙසේ වෙතත් යහපාලන රජයේ අවසන් කාර්තුවේ මේ වෙනුවෙන් ක්‍රියාත්මක වි අරබා තිබුණද රජය වෙනස් විමත් සමගින් එය තවත් කල් ගියේය.කෙසේ වෙතත් පසුගිය කැබිනට් මණ්ඩල රැස්විමේදිමීගමුව දිස්ත්‍රික් මහ රෝහල මධ්‍යම රජය වෙත පවරා ගැනීම සඳහා වන යෝජනාවට අමාත්‍ය මණ්ඩල අනුමැතිය හිමිව ඇත.
