(11.30 am )පසුගිය 27දා පැවති සීදුව නගරසභාවේ මහ සභා රැස්වීමේදී මෙම බලප්‍රදේශයේ කසල බැහැර කරන කසලාංගණය වූ අම්බලම්මුල්ල පිළිබඳව විශේෂ අවධානයක් දෙමින් සාකච්ඡා කරන ලදී.
අක්කර 10 ක පමණ බිම්කඩක් වූ මෙහි අඩි 20ක පමණ කුණු කන්දක් නිර්මාණය වී ඇත.
විශේෂයෙන් ගුවන්තොටුපල , ආයෝජන සංවර්ධන කළාපය ආසන්නයේ ඇති නිසා කසල විශාල වශයෙන් එකතුවේ. ආයෝජන කලාපයේ සේවය කරන සේවකයින් නිතරම අනවශ්‍ය අවස්ථාවල කසල පාරේ දමා යන බව නාගරික මන්ත්‍රීවරු චෝදනා කරති.
එසේම ප්‍රදේශ ගනනාවක කසල එකතුවීමෙන් මේ වනවිට නිතරම කුණු කන්ද විශාල වන අතර එනිසා විශාල වියදමක් දරා තුනී කිරීමට සිදුව ඇත.
ඒනිසාම මෙම කුණු කලපුව අසලටම පැමිණ ඇත. මේ සදහා තාවකාලික විසදුම් වෙනුවට ස්ථිර විසදුමකට යායුතුව ඇතැයි සීදුව නගර සභාවේ මහසභා රැස්වීමේදී සභාපතිතුමා ඇතුළු සියළුම මන්ත්‍රීවරු තීරණය කරන ලදී.