ඊයේ මීගමුව මාරිස්ටෙල්ලා ප්‍රාථමික විදුහලේ විදුහල්පතිවරයා හමුවීමට එම ස්ථානයට ගිය රොයිටර් පුවත්සේවයේ විදේශීය මාධ්‍යවේදියෙකු වන සිද්ධික් අහමද් ඩැනිෂ් මහතාව කටාන පොලීසිය විසින් අත්අඩංගුවට ගෙන තිබුන අතර ඔහුව අද අධිකරණයට ඉදිරිපත්කිරීමට නියමිතය. වාර්තා වන අන්දමට මෙම මාධ්‍යවේදියා ගොස් තිබුණේ පාසලේ විදුහල්පතිවරයාගේ අවසරය ඇතිව ඔහු හමුවීමටය. නමුත් එම අවස්තාවේදී පාසලේ දෙමාපියන්ගේ රැස්වීමක් එහි පැවැත්වෙමින් තිබී ඇති අතර යම් කිසි හේතුවක් පදනම් කරගනිමින් දෙමාපියන්ගෙන් කිසිවෙකු විසින් පොලීසියට දුරකථන ඇමතුමක් ලබාදි මෙම මාධ්‍යවේදියා පිළිඳව සැකකටයුතු බව දැනුම් දී තිබේ. ඒ අනුව ඔහුව පොලීසිය විසින් අත්අඩංගුවට ගෙන තිබේ.