රට තුළ අලෙවි වන පොල්තෙල් වලින් 75% ක් පමණ පොල්තෙල් හැර වෙනත් විවිධ අපවිත්‍ර ද්‍රව්‍ය අඩංගු වන අතර දේශීය වෙළඳපලවලින් පොල්තෙල් මිල දී ගැනීම සෞඛ්‍යයට ආරක්ෂිත නොවන බව රජයේ වෛද්‍ය නිලධාරීන්ගේ සංගමය (GMOA) පවසයි.
මාධ්‍ය අමතමින් රජයේ වෛද්‍ය නිළධාරින්ගේ සංගමයේ සභාපති වෛද්‍ය අනුරුද්ධ පාදෙණිය පවසා තිබුනේ මෙම අලූත් අවුරුදු සමයේදී අලස ලෙස වෙළඳපොලෙන් මිලදී ගන්නවා වෙනුවට ගෙදර හැදූ පොල්තෙල් ලබා ගන්නා ලෙස ජනතාවගෙන් ඉල්ලා සිටින බවය.
“දැන් වෙළඳපොලේ අලෙවි වන පොල්තෙල් වලංගු භාවයක් අප සතුව නොමැත. අපට වටිනා පොල්තෙල් අහිමි වෙමින් පවතින අතර ඒ වෙනුවට අප පිළිකා රෝගයට හේතු වන අපවිත්‍ර ද්‍රව්‍ය පරිභෝජනය කරයි” යනුවෙන් ඔහු මෙහිදි තවදුරටත් අවධාරණය කර තිබේ.
. “ආහාර සුරක්ෂිතතාව සඳහා ආහාර පනත, පාරිභෝගික කටයුතු පනත වැනි පනත් කිහිපයක් අප සතුව ඇත. විවිධ නීති හා පනත් පැනවුවද, පාරිභෝගිකයින් හට විෂ නොවන හා නිවැරදි ආහාර මිලදී ගැනීම වැළැක්වීමට ඒවා ප්‍රමාණවත් නැතැයි වෛද්‍ය පාදෙණිය මාධ්‍ය හමුවේ පවසා තිබේ.
එබැවින් ආහාරවල ආරක්ෂාව සඳහා ප්‍රමිතිය ක්‍රියාත්මක කරන ලෙස රජයේ වෛද්‍ය නිලධාරින්ගේ සංගමය රජයෙන් ඉල්ලා ඇති අතර ඔවුන්ගේ නිෂ්පාදන ක්‍රියාවලිය පිළිබඳ විස්තර අඩංගු ආහාර ප්‍රකාශයක් ප්‍රදර්ශනය කිරීම සඳහා නීතිමය රාමුවක් හඳුන්වා දිය යුතු බව වෛද්‍යවරයා පවසා තිබේ.
ශ්‍රී ලංකාවේ ආහාර පනත ඉතා දුර්වල බැවින් ආහාර සම්බන්ධ තීරණ ශ්‍රී ලංකා ප්‍රමිති ආයතනයට හෝ වෙනත් ආයතනයකට පැවරිය නොහැකි බවත්, එබැවින් සෞඛ්‍ය ක්ෂේත්‍රය පූර්ණ ලෙස සවිබල ගැන්වෙන අයුරින් නීති සම්පාදනය කළ යුතු බවත් ඔහු පැවසීය. . පාරිභෝගිකයින් සහ ආහාර සඳහා වෙනම අධිකරණයක් පිහිටුවන ලෙසද ඔහු රජයෙන් ඉල්ලා සිටියේය.