දෙසැම්බර් 10 වෙනිදා නිකුත් කළ ගැසට් නිවේදනය අනුව ජනාධිපති ගෝඨාභය රාජපක්ෂ ආරක්ෂක අමාත්‍යාංශය යටතේ ආයතන 31 ක් ද, අගමැති මහින්ද රාජපක්ෂ ආයතන 88 ක් ද, අමාත්‍ය චමල් රාජපක්ෂ ආයතන 37 ක් ද තම පවුල යටතට අත්පත්කර ගෙන ඇත.
මෙම බෙදිල්ලට අනුව, ඩලස් අලහප්පෙරුමට ආයතන 26 ක් ද, විමල් වීරවංශට ආයතන 29 ක් ද, දිනේෂ්ට ආයතන 22 ක් ද ශ්‍රීලනිපයේ මහින්ද අමරවීරට ආයතන 19 ක් ද ලබාදී ඇත.
රාජපක්ෂවරුන්ගේ පරාජයේ ආරම්භයේ සිට රාජපක්ෂලා වෙනුවෙන් නොමනා දුක් විඳිමින් වෙහෙසුන අමාත්‍ය ප්‍රසන්න රණතුංගට ලබා දී ඇත්තේ ආයතන 09 කි. ජොන්ස්ටන් ප්‍රනාන්දුට ආයතන 05 කි.
රාජ්‍ය ඇමැතිවරුන්ට හුළං !
156 උන් ගත්තම අපි කරනදේ…(සමාජ මාධ්‍ය පොස්ටුවකින් උපුටා ගන්නා ලදී)
රාජ්‍ය ඇමැති ධූර ලබාදුන් ජ්‍යෙෂ්ඨයන් වන වාසුදේව නානායක්කාර, සුසිල් ප්‍රේම්ජයන්ත, එස්බී දිසානායක, අනුර ප්‍රියදර්ශන යාපා, රන්ජිත් සියඹලාපිටිය පමණක් නොව දයාසිරි ජයසේකර, ලොහාන් රත්වත්ත, රොහිත අබේගුණවර්ධන , මහින්දානන්ද අලුත්ගමගේ වැනි රාජ්‍ය ඇමැති ට කිසිදු ආයතනයක් නිල වශයෙන් ලබාදී නොමැත.
ගෝඨාභය ආණ්ඩුවේ රාජ්‍ය ඇමැතිවරුන්ට සිදුව ඇත්තේ කාර්යාලයක් දී තිබේ නම් ඊට ගොස් හිස් A 4 කොළයක් ගෙන උදේ සිට සවස දක්වා අත්සන් ගැහීම පුරුදු වී කොළය කුණු කූඩයට දමා හිස් අතින් ගෙදර යෑමට ය. එසේ නොමැතිව නිල අත්සනක් තැබීමට කිසිදු ආයතනික වගකීමක් ඔවුන්ට නැත. එපමණක් නොව රාජ්‍ය ඇමැතිවරුන් දිව්රුම් දුන්නද අද දක්වා රාජ්‍ය ඇමැතිවරුන් සඳහා ගැසට් නිවේදනයක් හෝ නිකුත් කර නැත.
මෙකී කලකිරීම කොතෙක්දැයි කිවහොත් වාසුදේව ප්‍රසිද්ධියේ කියා ඇත්තේ තමන් රවටා රාජ්‍ය ඇමති කමක් දී ඇති බවයි. ඒ බව වාර්තා කර ඇත්තේ බැසිල් රාජපක්ෂ විසින් අත්පත් කර ගත් විමල් වීරවංශට අයත්ව තිබූ වෙබ් අඩවියකි.
(මූලාශ්‍රය -ලංකා ඊ නිව්ස්)
theleader.lk