2018 පෙබරවාරි 01 දින සය හැවිරිදි දැරියක් අපයෝජනයට ලක්කිරීම හේතු කොටගෙන අත්අඩංගුවට ගෙන සිටින වර්ණකුලසූරිය ෆැන්සිස් ඩික්සන් ප්‍රනාන්දු (41) යන පුද්ගලයාව අද මිගමුව මහේස්ත්‍රාත් අධිකරණය වෙත ඉදිරිපත් කරන ලදී. මෙම පුද්ගලයාට ඇප ලබානොදෙන ලෙස ඉල්ලමින් අදත් සිරිවර්ධන පෙදෙසේ කාන්තාවන් පිරිසක් එම අපරාධකරුට එරෙහිව අදත් මීගමුව අධිකරණය ඉදිරිපිට විරෝධතාවයක නිරතවූහ. මෙහි දී ඔවුන් ඉල්ලා සිටියේ (ඩික්සන් )හෙවත් සීනි පුතා යන නමින් හැදින්වු මෙම පුද්ගලයාට ඇප නොදෙන ලෙස සහ දරුවාට කර ඇති අපරාධයට ඔහුට උපරිම දඩුවම් ලබාදෙන ලෙසටය. මෙම සැකකරුගේ ඇප ඉල්ලීම ප්‍රතික්ෂේප කරමින් ඔවුව නැවතත් රක්ෂිත බන්ධනාගාරගතකිරීමට අධිකරණය විසින් නියෝග කරන ලදී. නැවතත් මෙම නඩුව මාර්තු මස 13 වනදාට කැදවීමට නියමිතය.
