(8.00 am ) එදා බෝට්ටුවේන ගියේ ඉතාලියටය. පසුව එය ඕස්ට්‍රෙලියාව කරා වෙනස් විය. දැන් තවත් රටකි. ඒ ප්‍රංශයයි .මෑතක සිට ප්‍රංශයේ රියුනියන් දුපත කරා නිති විරෝධි සංක්‍රමණියකයන් ගෙන යාමේ ජාවාරම් ආරම්භ කර තිබේ.
මේ ගමනට එක්විම සදහා පසුගිය අගොස්තු මාසයේ 21 දෙනෙකු පිටත්ව තිබුණි.
අඩි 32ක් දිග බහුදින යාත්‍රාවකින් ප්‍රංශය බලා පිටත්වවූයේ පසුගිය අගොස්තු 03 වනදාය.එහෙත් ඒ මුහුුදු ගමන දින 2 කට සිමාවි තිබුනේ ගාලලේදී නාවික හමුදාවට මේ පිරිස කොටුවි තිබුණ නිසාය.
මෙසේ අත්අඩංගුවට ගත් පිරිස සති ගණනාවක් රක්ෂිතබන්ධනාගාර ගත කොට සිට දැන් ඇප මත නිදහස් වි ඇත.
මෙම පිරිස අතර මීගමුව කුට්ටිදූව ප්‍රදේශයේ තරුණයින් 7දෙනෙකුද විය. අපි මේ පිළිබඳව තොරතුරු දැන ගැනීම සඳහා කුට්ටිදූවේ ඔවුන් ජීවත්වන ස්ථානයට ගොස් හමුවී කථාබහක යෙදුනෙමු.
. මේ අනුව පළමුව අපට මුනගැසුනු නිලංක අදහස් පළකලේ මෙසේය.
“.තොඩුවාවෙ එක්කෙනෙක් තමයි අපිගිය බෝට්ටුවෙ ස්කීපර්. අපි අගෝස්තු 3දා මීගමුවෙන් පිටත්වුනා. අගෝස්තු 5දා ගාල්ල දක්වා ආව. ගාල්ලෙදි තමයි අපිව මාට්ටු උනේ. අපි 21ක් හිටිය. දවස් 14ක් රිමාන්ඩ් භාරයේ තබාගෙන පස්සෙ ඇපපිට නිදහස් කළා. මේ ගමනට අපි ලක්ෂ දෙක ගානෙ දුන්නා. කොහොමහරි නඩු කටයුතු වලටත් පස්සෙදි වියදම් කරන්න සිද්ධඋනා. අපේ දුප්පත් කමටයි මේ ගමනට කැමති උනේ. දැනට නඩුවාර 3ක් තිබුනා. මමත් එක්ක තව 6දෙනෙක් හිටියා . මොහාන් සමන්ත පෙරේරා, දමිත්නිවන්ත ප්‍රනාන්දු, නිලංග, ෂෙරෝන්, රුවිල්, ඔෂාන් අනික් අයයි.,,
මේවනවිට මේ අයගේ පවුල්වල අය සුසුම් හෙලන්නේ ජීවිතේ සැපවත් කර ගැනීමට ගත්ත මේ උත්සාහය නිසා කබලෙන් ලිපට වැටීමක් ලෙස සිදුවූ පාඩුව ගැනයි. දැන් ඔවුන්ට නැවත වරක් තම දුක්ඛිත කුලී රස්සාව හෝ එවැනි යමක් කරමින් ජීවත්වීමට බලකෙරී ඇත. මෙය පොදු ප්‍රශ්ණයක් වශයෙන් වගකිව යුත්තන්ගේ අවධානයට යොමුවිය යුතුය. එසේ නොවන්නේ නම් හෙට දිනයේ දී මේ තරුණ පිරිස වෙනත් වැරදි වලට යොමුවීමේ ඉඩකඩ වැඩිවිය හැකිබව සමහර ප්‍රදේශවාසීන්ද අප සමග පැවසීය.