ඉහළ ප්‍රමිතියකින්,ගුණාත්මකභාවයකින් යුතු වෘත්තීය ආචාරධර්ම ආරක්ෂා කරන මාධය අන්තර්ගතයක් මෙරට ජනමාධ්‍ය ක්ෂේත්‍රය තුළ ස්ථාපිත කිරීම වෙනුවෙන් පහසුකම් සැලසීමට ස්වාධින ජනමාධ්‍ය ප්‍රමිති මන්ඩලයක් පිහිටුවීමට සකස් කරන ලද කෙටුම්පතක් ජනමාධ්‍ය ප්‍රතිව්‍යුහගතකරණය පිළිබද ජාතික ලේකම් කාර්යාලය විසින් සකස් කර තිබේ. මේ සදහා ජනතා අදහස් හා යෝජනා විමසා බැලීමේ සම්මන්ත්‍රණයක් ඊයේ (24) වනදා මීගමුව කාර්දිනල් කුරේ මධ්‍යස්ථානයේදී පැවැත්විණි. මෙම සම්මන්ත්‍රනයේ ප්‍රධාන කතිකයන් ලෙස ආචාර්්‍ය මධුභාෂිණී ගලගෙදරගේ ,සත්හඩ පුවත්පතේ කර්තෘ මණ්ඩල අධ්‍යක්ෂ දීප්ති ගුණරත්න ,ආචාර්්‍ය ප්‍රදීප් එන් වීරසිංහ දේශන ඉදිරිපත් කළ අතර මෙම සම්මන්ත්‍රණයට ගම්පහ දිස්ත්‍රික්කයේ මාධ්‍යවේදීන් රැසක්, විවිධ ආයතන හා සංවිධාන නියෝජනය කරමින් සමාජ ක්‍රියාකාරීන් මෙන්ම මීගමුවේ දේශපාලන නායකින් පිරිසක්ද සහභාගී වූහ. ජනමාධ්‍ය ප්‍රමිතීන් පිළිබඳ බස්නාහිර පළාත් මහජන කතිකාව සංවිධානය කරනු ලැබූවේ මීපුර වෙබ් අඩවිය විසිනි.
