දළුපත මෙතෝදිස්ත දේවස්ථානය පසු කල පසු හමුවන තුංමන්හන්දියේ ගලායන ඇලක් අභියස දෙමහල් ගොඩනැගිල්ලක් ඉදිවෙමින් පවතී.මෙය සිදුවන්නේ අනවසරයෙනි. මෙසේ අනවසරයෙන් කරන ගොඩකිරීම් සහ ඉදිකිරීම් නිසා මෙම පහත් බිම් ප්‍රදේශවල ජනතාව ඉමහත් පීඩාවට පත්වී සිටිති.
මෙකී තත්වය නිසා වර්ෂා දිනවල මෙම ප්‍රදේශවල ජනතාව ගංවතුර තර්ජනයට ලක්වෙති. ගංවතුර බැස ගිය පසුව ඩෙංගු තර්ජනයට ලක්වෙති . මෙය ඉහතකී අනවසර
ගොඩකිරීම් සහ ඉදිකිරීම් වල ප්‍රතිඵලය . ඒ අනුව ඒවා ඩෙංගු වලටත් වඩා භයානක බව පැහැදිළිය.
නමුත් මේ ප්‍රශ්ණය විසඳිය යුතු අයම ප්‍රශ්ණය වර්ධනය කිරීම මෙහි පවතින විශේෂත්වයයි . මීගමුව නගරසභාවේ නගරාධිපති , නාගරික කොමසාරිස් , ඉංජිනේරු තැන , ආදී වශයෙන් සඳහන් වන කිසිදු වගකිවයුත්තෙකු නගරයේ පවතින මෙම ප්‍රධාන ප්‍රශ්ණය විසඳීමට මැදිහත් නොවන බව ඔවුන්ගේ කල්කිරියාවෙන්ම ඔප්පු කර ඇත . ඒනිසාම ජනතාවට ඔවුන් ගැන විශ්වාසයක් නැත .
තමන්ගේ හිතවතුන්ට පමණක් සළකා කටයුතු කරන ඉතිහාසයකට මේ සියළු වගකිවයුතු අය අයිති බව කව්රුත් දනිති .
මෙවන් අනවසර ඉදිකිරිම් යනු නගරාධිපති ඇතුළු නිලධාරින් පිරිසට සුපිරි අදායම් සපයන වැඩපිළිවෙලකි. ඒ සදහාම ඒ තැන්වලට යෑමට නිළධාරින් කිපදෙනෙකුද සිටි.
දැන් වැඩේ පැහැදිලිය. අරුමය වන්නේ මිගමුවේ ජවිපෙ මන්ත්‍රිලා මෙන්ම බහුතරයක් එජාප මන්ත්‍රි මණ්ඩලයද නිහඩව සිටිමය.
විශාල මුදලක් දැනටමත් යටකරමින් කර ඇති මේ ඉදිකිරිම සදහා අනිවාර්යෙන්ම නගරාධිපති ඇතුලු නඩයේ ආවරණයක් තිබිය යුතුමය . මෙහි අයිතිකරු ඒ තරම්ම විශ්වාසයකින් මේ අනවසර ඉදිකිරිම කිසිදු බියකින් තොරව ඉදිකරන්නේ ඒනිසා විය යුතුය.
මේ සම්බන්ධයෙන් අප කළ විමසුමකට පිළිතුරු දෙමින් අදාල ප්‍රදේශය භාර තාක්ෂණික නිළධාරිණිය කියා සිටියේ මෙය ඉතා පැහැදිලි ලෙසම අනවසර ඉදිකිරිමක් බවත් එය නවතා දැමිය යුතු බවත්ය.
වැඩිදුරටත් ඇය සදහන් කර සිටියේ පාර මැද්දේ සිට අවම තරමින් අඩි 20ක් පමණ දුරකින් මේ ප්‍රදේශයේ ඉදිකිරිම් සිදුකළ යුතු බවය